Paradiso

Como la vida misma (Dan in real life)

2009-01-10T15:04:00.003+01:00

Dan (Steve Carrel), tokian tokiko aldizkari batean zutabe bat idazten du, hildako emaztearen oroipenarekin bizi da eta bere hiru alabak zaintzeaz baino ez da arduratzen. Bere bizitza zeharo aldatuko da Marie (Juliette Binoche) ezagutzean, azkeneko hau bere anaia txikiaren nobia da.

Rolling Stoneko Peter Traversek "Erabat dibertigarria eta hunkigarria" dela eta Carrelek bere "talentuaren beste alde bat" erakusten digula esango zuen. New York Timeseko A.O. Scottek Carrelekin ados egongo zen eta filmea ikustera gonbidatuko gintuen "sorpresa atsegina" izango genuelakoan. Beste zine-kritiko askok antzerako gauzak esango zituzten Dan in real liferi buruz, neuk gainera dezakedan gauza bakarra zera da, beraiekin erabat ados nagoela. Beraz, ahal duzuenean, filmea ikusi eta gozatu

Scoop

2009-01-10T14:35:00.004+01:00

Jarraitzen gaituzuenok jada Woody Allen eta bere musa Scarlett Johansson gustuko ditugula ohartaraziko zinaketeen. Gaurkoan ere, zuzendari amerikarraren filme batez egingo dugu berba: Scoop.

Pelikula honetan, Allenek kazetaritza ikasle baten istorioa kontatzen digu. Sondra Pransky (Johansson) kazetaritza ikasle amerikarra uda Londresen pasatzen ari den bitartean, magia ikustaldi batean hil berri den kazetari baten ispiritua ikusiko du. Kazetariak serieko hiltzaile baten izena emango dio, hiriko aristokrata batena, eta Pransky berria ikertuko du.

Allenen umorea gustuko dutenentzako filme hau zuzendariaren linean jarraitzen du. Palomitak, gozokiak... hartu eta arratsalde edo gau libre batean pelikula hau ikusten baduzue ez zarete damutuko.

El caso wells

2009-01-07T13:56:00.001+01:00

Film hau Wai Keung Lau zuzendutako pelikula estatubatuarra dugu. Errol Babbage (Richard Gere) kartzelatik irtendako, sexu-delituak egindako gaizkileak zelatatzen ditu. Bere lana seriotasunez hartzen du, eta bere nagusiak erretiratzeko ordua heldu zaiola pentsatu dute.
Bere ordez, Allison (Claire Danes) izeneko gazte bat ezarriko dute. Lana utzi aurretik, Errol dakien guztia erakutsi behar dio neskari.
Egun batean, Harriet Wells izeneko neska bat desagertu egiten da aztarna bat utzi gabe. Errol berak zaintzen dituen mutil bat izan delaren segurtasuna du. Biek batera gaizkilearen atzetik ibiliko dira.
Nire ustez, pelikula intrigatsua dugu emen aurrean eta espero ez den amaieraon batekin. Richard Gere-ren aktuazioa bereziki ona da, bere papelan sartuta baitago.

La flaqueza del bolchevique

2009-01-06T11:27:00.000+01:00

Gaurkoan Manuel Martín Cuenca zuzendariaren pelikula bat dugu aipagai. Luis Tosar eta Maria Valverde dira pelikularen aktore garrantzitsuenak. 2003an estreinatutako pelikula dugu eta tituluak hori iradoki dezake, baina ez da komunismoari buruzko pelikularik.

Pablo Lopez gizon arrunt bat da, Madrilen bizi da, hogeita hamar urte ditu eta banku batean lan egiten du. Bere bizitzaz nazkatua dago eta monotonia hausteko gogo anitzak ditu. Egun batean, lanera bidean, Madrileko atasku batean dago Extremoduro entzuten, bizitzaz nazkatua. Nahi gabe aurreko kotxeari ematen dio eta aurreko kotxeko gidaria Madrileko emakume dirudun bat da. Emakume horrek Pablo denuntziatu egin nahi du eta seguruarekin eta poliziarekin arazoak izate araztea egiten dio. Pablo emakumea izorratu nahi du eta bitartean emakume horren ahizpa ezagutuko du, Maria. Maria ezagutzeak bere bizitza aldatuko du.

Hiru sari lortutako pelikula dugu, Donostiako Zinemaldiko 51.edizioan Zabaltegi saria, Maria Valverdek Goya sarieta aktore errebelazio hoberenaren saria eta Angers-eko Zinemaldian ikuslegoaren saria irabazi zuen.

Pelikula berezia da eta Extremoduro taldearen zaleak bazarete zuen taldearen musika beste modu batean ikus entzuteko modu bat da.

Los puentes de Madison

2009-01-05T11:20:00.000+01:00

Gaurkoan Clint Eastwooden pelikula bati buruz hitz egingo dugu. Meryl Streep eta Clint Eastwood bera dira pelikularen aktore garrantzitsuenak.

Robert Kincaid National Geographic aldizkarirako lan egiten duen argazkilari bat da eta Iowako estatuko Madison County eskualdeko zubiei buruzko erreportai bat egin behar du. Zubi baten bidea bertako bati galdetzerakoan Francesca ezagutuko du. Francesca emakume italiarra dugu, orain dela urte asko Estatu Batuetara etorritakoa eta soldadu amerikar batekin ezkondutakoa. Bere bizitza etxeko andre izaten pasatu du, baina egun batean bere senarra eta bere semeak bidai bat egingo dute eta aste berean Robert Kincaid ezagutuko du. Robert eta Francescaren arteko erlazioa pasioz betea egongo da eta azkenean Francescak bere bizitzaren norabideaz erreflexionatu behar izango du.

Pelikula honek Oscar batetarako nominazio bakar bat lortu zuen, Meryl Streep-en interpretazioarengatik, baina nire ustez eta zine kritikoen usteetan ere nominazio hori motz geratzen da pelikularen kalitatearekin eta aktoreen lanarekin. Istorio polit eta pasiodun bat ikusteko aukera paregabea bi aktore paregabeekin.

La vida es bella

2009-01-05T11:17:00.000+01:00

Gaurkoan Roberto Benigniren pelikula eder bat dugu, tituluak adierazten digun bezala, aipagai. Roberto Benigni bera, Nicoletta Braschi, Marisa Paredes eta Giorgio Cantarini dira pelikularen aktore protagonistak.

Pelikulak italiar judutar familia baten istorioaz hitz egiten digu bigarren gerrate mundialaren testuinguruan. Guido eta Dora senar emazteak eta Josue bien semea ezagutuko ditugu. Guido, bere osaba eta Josue judutarrak dira eta kontzentrazio zelai batera eramango dituzte, Dora, aldiz ez du zertan joan beharrik baina ezin du bere familia gabe geratu eta trenera joaten da bere senideekin. Tren bidaian zehar guztia joko bat dela uste izango du Josuek bere aitak hori adierazi diolako. Trenaren helmugara iristerakoan eta zelaian dauden bitartean Josuek usteko du guztia jolas bat dela, bere aitak egunero proba berriak adieraziko dizkiolako.

Pelikula honek nazioarteko berrogei sari jaso ditu, hiru Oscar tartean daudelarik. Pelikula honek Holokaustoaren irudi atsegin eta gogor bat erakusten digu, ume baten eta bere familiaren arteko maitasuna hizpide izanik. Oso gomendagarria den pelikula dugu eta sentiberak izanik, bada-ezpada zapiren bat gertu izatea ez legoke gaizki.

En un mundo libre

2009-01-03T20:51:00.000+01:00

En un mundo librek inmigrazio ilegalaren gaia tratatzen du. Berton, etorkin ilegalei lana bilatzeko agentzia bat sortzen duen emakumearen istorioa kontatzen digute. Angiek, hauen babezpen ezaz baliatuz, etorkinak explotatu eta dirutza egingo du.

Filmak etorkin ilegalek lana aurkitzeko orduan jasan behar duten egoera salatzen du, eta hauetaz baliatzen diren nagusien jarrera ere. Ken Loach zuzendariak azaltzen digun hau arazo larria dugu Globalizazioaren gizarte honetan, non lan-esku merkea bilatzen den eta legeak alde batera usteko eginak izan diren.

Spanglish

2009-01-03T20:13:00.000+01:00

Spanglish, gaztelera eta inglesa nahastatzean sortzen den hizkuntza da, eta munduan miloika pertsonak hitz egiten dute. AEBetako etorkin askok ere egiten dute berba Spanglishez, hara hor gaurko filmeetako baten izenburu eta istorioaren funtza.

Spanglish Californian bizi diren etorkin mexikar biren istorioa kontatzen digu. Flor (Paz Vega) AEBtara gurutzatzen du bere alabatxoarekin, honentzako bizitza hobeago baten bila.

Flor L.A.ko kolonia latinoan instalatuko da, eta berton urteak emango ditu irten gabe, Claskyek etxeko beharrak egiteko kontratatzen duten arte. John eta Devorah Clasky (Adam Sandler eta Tea Leoni) momentu txar bat pasatzen ari dira, gizona aita ezinhobea eta txef prestigiotsua da, emakumea, aldiz, diseinu enpresa batetan zuen lana galdu berri du eta identitate-krisi batetik gertu dago. Lan gabe Deborahk ez du aurkitzen bere urduritasuna familiatik kanpo neutralizatzeko tokirik, eta gainera seme-alabak bere idealizazioetara moldatzen saiatuko da. Deborahren amak, alabaren barne-egoeraz jakitun alaba laguntzen saiatuko da, nahiz eta honek ez dion kasu handirik egingo. Uda helzean familiak etxe bat alokatu eta bertora joango da Flor eta honen alaba eramanik. Azkeneko biak familiaren bizitzan sartuko dira eta Deborahk Florren alaba, Cristina, bere babespean hartuko du, beran alaba alde batera utzita. Bitartean Flor eta Johnen arteko erlazioa garatuz joango da, nahiz eta hizkuntza arazo izango duten. Hala ere, instintiboki bata bestearenganako ulergarritasun handia erakutsiko dute, biek euren seme-alabenganako maitasuna konpartitzen dutelarik, bestearen jokatzeko modua ulertu eta bien arteko enpatia garatuz joango da .

James L. Brooks zuzendariaren pelikula honek hizkuntzen gainetiko komunikazioa ere eman daitekela erakusten digu. Umorea baliatuz, pertsonaien arteko komunikazioan sortzen diren arazoak azaltzen dizkigu Spanglishek, hizkuntza mestizo honen bitartez ulergarriago suertatzen direlarik.

Vicky cristina Barcelona

2009-01-02T12:08:00.000+01:00

Woody Allen idatzitako eta zuzendutako pelikula dugu hau, 2008an estreinatua. Penelope Cruz eta Javier Bardem aktore espainolak eta Scarlett Johanson aktore estatu batuarra ditugu film honen prtagonistak.
Vicky (Rebecca Hall) eta Cristina (Scarlett Johansson) Bartzelonara doazen bi estatubatuar gazteak dira, udako oporretan. Vicky sentikorra eta ezkontzeko asmoak ditu, Cristinak, berriz, abenturen zain dago. Barcelonan dauden bitartean, biak Juan Antonio (Javier Bardem) izeneko gazte batekin erlazio ez ohikoa izango dute. Juan Antonio margotzaile bat da oraindik ere, bere emakume ohiarekin harreman nahiko zailak dituena, Maria Elena (Penelope Cruz).
Berebiziko aipamena merezi du Javier Bardem aktore espainolaren antzezlana, izan ere, bere papera bereziki ondo egiten du. Komedia bikaina da Woddy Allenen azkenengo pelikula hau, eta une ona pasatzeko bikaina.

Frio sol de invierno

2008-12-29T12:30:00.000+01:00

Gaurkoan 2004an aurkeztutako film bat dugu aipagai. Pablo Malo zuzendariaren lehen pelilkula da eta lehen lana izateko kalitatezko pelikula dugu. Marisa Paredes, Unax Ugalde eta Javier Pereira besteak beste dira pelikulako aktoreak.

Adrian izeneko mutila da pelikularen protagonista. Adrian psikiatriko batetik atera da eta etxera itzultzen da. Bere aita etxetik joan da eta etxea Adrianentzako utzi du. Adrianek Gonzalo eta bere ama ezagutuko ditu. Gonzaloren ama prostituta da eta bere bizitza ez da batere erraza. Pelikularen protagonisten bizitza hotza da eta neguko eguzki hotz batek ezingo du beraien bizitza berotu.

Film honek Goya sari bat jaso zuen, horretaz gain Viña del Mar-eko zinemaldian hiru sari jaso zituen eta Orenseko zinemaldian Unax Ugalde saritua izan zen.

Chocolat

2008-12-27T15:49:00.000+01:00

Chocolat, pertsona, harreman, hiri... bat, bizitzako plazerrak ezaguturik zelan alda dezakeen kontatzen duen komedia klabean idatzitako fabula da. Tentazioa, represioa eta sentsuen askatzaileei buruzko ipuina da; herritxu batean, txokolate denda bat jarri ostean, herritarren artean, pasioari eta beldurrei lotuta sortutako gatazkaren istorio umeretsua.

Filmeak eguneroko atsekabe txikiez zipristindutako istorio multzo bat aurkezten digu, hauek Vianne (Binoche eta bere alaba heldu berri diren herrixka frantzesaren bizitza markatzen dute. Istorio gehienak umorez beteak daude.

Lasse Hallström-en filme honen arrakasta handia, zer esanik ez, errepartoari lotuta doa hein handi batean; Juliette Binoche (Vianne Rocher), Lena Olin (Josephine Muscat), Johnny Depp (Roux), Judi Dench (Amande Voizin), Alfred Molina (Reynaudeko kontea), Peter Stormare (Serge Muscat), Carrie-Anne Moss (Caroline Clairmont), Leslie Caron (Madame Audel), John Wood (Guillaume Bierot) eta Hugh O'Connor (Pere Henri) aktore-aktoresak, sinpleegia den gidoiari nolabaiteke pertsonalitatea ematen diote. Beraien aktuazioek zintari magia berezia ematen diote.

Los lunes al sol

2008-12-26T17:25:00.000+01:00

Gaurkoan Fernando Leon de Aranoa-ren pelikula bat dugu aipagai. 2002an estreinatutako pelikula da eta Javier Bardem, Luis Tosar, Jose Ángel Egido eta Nieve de Medina dira aktore garrantzitsuenak

Langabetu kuadrila bat Rico tabernan biltzen dira egunero. Ontzitegi bateko langile ohiak dira industriaren aldaketaren ondorioz beren lanen desagerpena sufritu dutenak. Lan berri bat bilatzea zaila da, guztiak 40 urte gorakoak direlako. Bizitza modu desberdin batean ikusten dute eta bizi duten egoera jarrera desberdinekin jasaten dute.

Hainbat sari irabazi dituen pelikula dugu, 5 goya sari, horien artean pelikula hoberenarena. Aktoreen elkarteak ere 5 sariekin saritu zuen pelikula hau. Donostiako Zinemaldian Urrezko Maskorra irabazi zuen eta beste sari gehiago irabazi ditu; Ondas saria, Zilarrezko Fotograma, etab.

Kalitatezko zine espainiarra ikusteko aukera paregabea dugu pelikula hau.

Amores con un extraño

2008-12-26T12:27:00.001+01:00

Robert Mulligan zuzendariaren pelikula dugu hau. Angie Rossini nerabe italiar zintzo bat da eta ikastetxe katoliko batean ikasten du.

Berehala, gaueko irteerak ezagutuko ditu bere lagunekin, gau batean, Angie haurdun geldituko da ezagutu berri duen Rocky deituriko musikalari famatu batetaz. Angy Rocky bilatzen saiatuko da eta hilaurtzeko bere asmoak kontatuko dizkio.

Mutilak medikua bilatuko du eta laguntza ekonomikoa eskeiniko dio baina denbora pasa ahala ezagutzen joango dira eta gazteak elkar mateminduko dira.

Sentimentala eta gertuko pelikula dugu hau. Gai estabaidatsua pelikularen oinarri izanik, film bikaina lortzea izan da emaitza.

Dogma

2008-12-20T14:21:00.000+01:00

Ongia eta gaizkiaren arteko azken bataila New Jerseyn izango da, aingeru erori bik unibertsoa suntsitzen saiatuko direnean. Loki eta Bartlebyk, aingeru eroriek, Winnsconsin mantentzen dituen erbesteratzearekin amaitzen saiatuko dira, berton Zerura bueltatzeko plan perfektua topatuko dute, Zerura bueltatzea ahalbidetuko dien dogma baztertzea, New Jerseyko katedraleko bedeinkatutako arkua zeharkatzea humanitatea suntsituz. Baina pertosna batek aingeruen saikera galararazten saiatuko da, eta ez du zertan hau bakarrik egin beharko.

Kevin Smithen komedia zoro honek erlijioari buruzko gogoeta sakona eskaintzen du, zuzendaria sarkasmoaz baliatzen da erlijioaren kritika egiterakoan. Zinta aktore ezin hobeek protagonizatzen dute, Matt Damon eta Ben Affleck aingeru erorien paperetan. Salma Hayek, Linda Fiorentinok, Jason Lee, Jason Mewes, Aln Rickman, Chris Rock, Janeane Garofalo, Kevin Smith eta Alanis Morrissette aktore-aktoresen zerrenda osatzen dute.

Ikusi eta bitartean barrearazi eta pentsaraziko dizuen filmea duzue Dogma, dogmak apurtu eta erlijio kristauaren eta, orokorrean, erlijioaren kritika egiten duena. Lagunekin edota familiarekin batera disfrutatzeko zinta da, gutxienez, barre batzuk botako dituzue.

14 Kilometros

2008-12-20T13:41:00.000+01:00

14 kilometros Gerardo Olivares zuzendariaren filmea dugu. Bertan, emigranteek Afrika Subsahariarratik Espainiara egiten duten bidaiaren gora-beharak ezagutzeko aukera dugu. Zuzendariak, Buba Kanou, Violeta Sunny eta Mukela Kanouren istorioa kontatzen digu, hiru emigranteek euren herrialdetik Tarifarako bidea hartuko dute, tartean, Mali, Niger, Argelia eta Marruecos zeharkatu beharko dute, arriskuz betetako bidea. Istorio honen bitartez Afrikaren egoeraz apur bat ikasteko aukera izango dugu.

Politikari eta soziologoak ados daude inmigrazioa gure gizarteko arazorik larrienetarikoa dela. Gero eta pertsona gehiagok euren lurraldea usten dute, itsasoaz bestaldean bizitza hobeago bat topatuko dutelakoan, baina gehienetan ez da hori gertatzen. Askok bizitza galtzen dute bidean, heldu eta deportatuak izaten dira, prostituzio-sareetan sartzen dituzte... suerte handiena daukatenak semi-esklabizaturik biziko dira eta, deportatuak izateko beldurragatik, egoera kaxkar hau onartuko dute. Egoera hau ikusita, askotan nere buruari galdetzen diot ea penak merezi duen norberaren lurraldea ustea eta bidai arriskutsu horretan murgiltzea. Erantzun anitzak izaten ditut, hala ere, guztiak galdera berara eramaten naute: bide hori egingo nuke? erantzun bera jasotzen dut beti, nire bizitza, baina batez ere, nire familia eta lagunen bizitzak hobetzen lagunduko baninduen, seguru baietz.

Askok, bidaiaren gogortasuna ezaguturik ere, desinformazioa eta gezurren bidez sortu dizkieten espektatibak lortzeko aukerak bete ahal izateak; arrisku guzti horiek dituen bidea pena mereziko duela pentsatzatuz, Iparralderako bidea hartzen dute.

Hannah y sus hermanas

2008-12-20T11:09:00.000+01:00

Gaurkoan New Yorkeko zuzendari ezagunenaren pelikula bati buruz hitz egingo dugu, gure zineko txoko honetan. Gaurko pelikula 1986.urtean aurkeztu zuen Woody Allenek. Michael Caine, Woody Allen, Mia Farrow, Dianne Wiest eta Lloyd Nolan dira pelikulan agertzen diren aktoreetako batzuk. Hiru Oscar sari irabazi zituen pelikulak eta beste lau nominazio izan zituen.

Allenek hiru ahizpen arteko erlazioa eta beraien bizitzen zailtasunak erakusten dizkigu. Ahizpa nagusiena, Hannah, izaera indartsuena duena da, dirudun batekin ezkondua dago eta batzuetan bere ahizpen fakturak ordaintzen ditu. Holly bigarren ahizpa da, sentikorrena da eta aktore bihurtu nahi du. Lee ahizpa txikia dugu, pintore minimalista batekin bizi dena Sohon. Dena ondo doa, Hannah-ren senarra bere ahizpa batekin maitemintzen den arte.

Allenen pelikula magistral bat dugu, kritikak ondo hartu zuen eta saritua izan zen, eta ondo jasotako sariak dira.

Oceans Thirteen

2008-12-16T18:44:00.000+01:00

Steven Soderbergh zuzendutako film arakastatsua dugu hau. Hollywood-eko aktore famatuenetarikoak hartzen dute pate, azken entrega honetan. Beraien artean aipa ditzakegu: Geoorge Clooney (Danny Ocean), Brad Pitt (Rusty Ryan), Matt Damon (Linus Caldwell/Lenny Pepperidge), Andy Garcia (Terry Benedict) edo Al Pacino (Willie Banks).
Danny Ocean eta bere banda arrazoi bat daukate bere azken lapurketa egiteko, bere lagunetako bat defendatzea, baina plana zeharo arrislutsua da. Willy Bank, kasino bateko jabe bihozgabeak, Reben Tishkoff (Danny-ren taldeko laguna eta kontseilari) traizionatu eta saldu egin zuen.
Rebenik egindakoa aitzaiki hartuta Danny eta bere taldea mendekua hartuko dute Bankek bere kasino berria zabalduko duenean.
Pelikula oso dibertegarria da eta aktore horien parte hartzea berezia egiten du. Nahiz eta espero den amaiera izan eta istorio sinplea izan badira pelikula batzuk beren sinpletasunagatik gustuko dituzunak, eta hau horietariko bat da.

Mar Adentro

2008-12-13T15:00:00.000+01:00

Pelikula honetan Alejandro Amenabarrek Ramón san Pedro galiziarraren istorioa kontatzen digu. Gaztea zenean, itsasoan lagunekin jolasean zebilenean, San Pedro (Bardem) haitz handi batetik salto egitean hartutako kolpearen ondorioz tetraplegiko geratuko da.

Ramonek ohe batean pasako du geratzen zaion bizitza. Behin baino gehiagotan, hedabideetan agertuko da eutanasia eskubidea eskatuz. Telebistan ikusi ondoren, bi emakume gizona ezagutzera gerturatuko dira, Julia abokatua (Belén Rueda) eta Rosa auzokoa (Lola Dueñas). Lehenengoa, estatu mailan, San Pedroren borrokaren alde egitera joango da Galiziara. Bigarrena, Ramoni bizitzeak pena merezi duela erakusten saiatuko da. Beraien artean laguntasun berezia garatuko da.

R. San Pedrok bazekien, bere hiltzeko nahia asetuko zuen pertsona, bera benetan maite zuen pertsona izango zela.

Zuetako askok jakingo duzuenez, filmea istorio erreal batean oinarritzen da. Ramon San Pedroren istorioa entzute handia izan zuen espainiar hedabideetan. Gaur egun ere, estatuan eutanasiaren gaia tratatzean galiziarrari erreferentzia egiten zaio. San Pedrok Espainian eutanasiaren eztabaida sortzea eta indartzea lortu zuen.

Grease

2008-12-13T14:36:00.000+01:00

Klasikoen arteko klasikoenetarikoa dugu Grease, nork ez du John Travolta eta Olivia Newton Johnen arteko maitasun istorioa gogoratzen? Nork ez du abestu "You're the one that I want, the want that I want, uhuhuhuh, honey...". Bai, horregatik, nahiz eta argumentua nahiko eskasa izan, gutako askoren pelikularik gustokoenetarikoa da.

Danny Suco (Travolta) eta Sandy (Newton John) AEBtako hondartza batean ezagutzen dira udako oporretan eta berehala maitemintzen dira. Uda amaitu eta elkar agur esan beharko diote klasera bueltatzeko garaian. Sandy instituto berri batera joango da ikastera eta, berton, kasualidadez, Danny aurkituko du, baina mutikoa ez da udan zen bezalakoa izango.

Grease historiako musikalik garrantzitsuenen artean dago. 1972an Jim Jacobs eta Warren Casey idatzitako musikalean oinarritzen da. Nahiz eta pelikula 1978. urtean estreinatu zen, oraindik ere aktualitatea izaten jarraitzen du. Azkeneko urteetan, hainbat herrialdeetako aretoetan, ikusgai dagoen antzerki-musikala da.

Musikal zale guztiontzako ikusi eta disfrutatu beharreko filmea dugu Grease , hasieratik ondo pasaraziko dizuena.

La buena nueva

2008-12-11T10:27:00.000+01:00

Gaurkoan oraindik zineetan ikusi dezakegun pelikula dugu aipagai. Helena Tabernaren azkeneko pelikula dugu eta Unax Ugalde eta Barbara Goenaga dira aktore protagonistak.

1936.urtean Altzaniako herrira apaiz berri bat doa. Bitartean Mola jeneralak altxamendu militarra antolatu du eta falangistak eta karlistak Altzaniako herrian sartzen ari dira. Apaizak herriko maistra eta medikua ezagutu ditu, biak elizara doaz, baina medikua ez da oso erlijio zalea sozialista delako. Karlistak eta falangistak sartzen diren eguneko gabean medikua hiltzen dute eta horrek gerraren hasiera markatuko du herrian.

Gerra zibilaren garaian Nafarroan gertatutakoa adierazten duen pelikula on bat dugu. Gerrari buruz pentsaraztea egiten duen pelikula eta oroimenaren aldarrikapena adierazten duen film interesgarria. Aste honetan ikusi dut eta biziki gomendatzen dudan pelikula da. Dirua eta astia baduzue, zinera joateko aitzakia ona dugu.

Todo sobre mi madre

2008-12-11T10:17:00.000+01:00

Gaurkoan Pedro Almodóvar zuzendariaren pelikula bat dugu aipagai. Almodovarrek 1999.urtean aurkeztutako pelikula da eta Cecilia Roth, Marisa Paredes, Penélope Cruz, Candela Peña, Antonia San Juan, Rosa Maria Sardá, Toni Cantó, Eloy Azorín eta Fernando Fernán-Gómez, besteak beste dira pelikulan agertzen diren aktoreak.

Manuela bere semea kotxe batengatik kolpatua izan ondoren nola hiltzen den ikusten du. Gertaera honen ondorioz Manuela Madriletik Bartzelonara egiten du bidaia bere iraganeko bizitza berreskuratzeko eta bere semearen aitarekin hitz egiteko.

“Todo sobre mi madre” Zortzi Goya jasotako pelikula dugu, horretaz gain, hainbat nazioarteko sari jaso dituen pelikula da, esaterako, Oscar saria atzerriko pelikula hoberenaren sekzioan. Sarietaz aparte, pelikula sakona dugu. Trabestien eta prostituzioaren mundua erakusten digun pelikula da. Espainiar zine ona ikusteko aukera paregabea.

Crueldad intolerable

2008-12-09T14:15:00.000+01:00

Joel Coen zuzendutako filma dugu hau, 2003an estreinatua. Miles Masseyk (George Clooney) Los Angeles hiriko abokatu famatu bat da, dibortzioetan espezializatua, eta nahi duen guztia bere esku du. Baina hala ere, bere bizitza aspergarri samarra bihurtu da eta gertakari berrien bila dabil.
Gauzak aldatzen joango dira Marilyn (Zeta-Jones) ezagutuko duenean, bere bezero baten andre ohia. Rexek (Milesen bezeroa), eraikitzaile dirutsu bat da eta Marylin ikertzaile pribatu bat kontratatu du bere gizon ohia jarrai ditzan. Gauzak alrebesten joango dira bi sexuen (Marilyn eta Miles) arteko berdintasunak gehitzen diren einean.
Nire ustez, oso komedia entretenigarria da eta erraza ulertzeko. George Clooney eta Catherine Zeta-Jones aktoreen papera oso ondo betea dago, izan ere, bi aktore garrantzitsuenak dira panorama Hollywoodiensean.

Match Point

2008-12-04T21:47:00.000+01:00

Gaurkoan Woody Allenen azkenetariko pelikula bati buruz hitz egingo dugu. Scarlett Johansson da pelikulako aktore protagonista, Woody Allenen azkenen musa. Londresen errodatutako pelikula dugu eta Woody Allenen pelikularik hoberenetarikoa.

Istorioak Chris Wilton tenis jokalari profesional ohia Londreseko dirudun familia batean lan aurkitzen du tenis irakasle bezala. Zortea, pasioa eta handinahia bere ibilbidea gidatuko ditu eta hasieran agertzen den bezala, zorteak sarearen toki egokian jarriko du.

Metaforaz beteriko pelikula dugu, Allen zorteari buruzko erreflexio sakona egin du pelikula honen bitartez. Zortea da geure existentziaren motorea, gaur egun ekintza onak ez dira saritzen eta txarrak ez dira zigortzen. Erreflexio hau, Allen hobekien egiten duenarekin, pelikulak egitea, nahasketa ezin hobea.

Pelikula hau goraipatua izan da, esaterako “Fotogramas” aldizkariak 2005eko bigarren pelikula onena izendatu zuen “Million Dollar Baby” pelikularen atzetik. Horretaz gain, europear pelikula hobea bezala saritu zuten Goya sarietan. Azkenik, Oscar sarietan eta Urrezko Globoetan nominatua egon zen kategoria ezberdinetan saririk lortu gabe.

Woody Allenen jarraitzaileak bazarete eta pelikula hau ez baldin baduzue ikusi ezinbestekoa duzue eta jarraitzaileak ez bazarete ere, pelikula hau ikustea gomendatzen dugu gaur, geure txoko honetatik.

Bienvenido Mr Marshall

2008-12-02T17:39:00.000+01:00

Gaurkoan espainiar pelikula klasiko bati buruz hitz egin nahi dut. Luis García Berlangaren pelikula oso ezaguna denari buruz hitz egiten ari gara. 1950.urteko Espainia islatzen duen pelikula da, baina kontuan hartu behar da pelikula 1953.urtean estreinatu zen, hau da, hiru urte atzera egiten du soilik, beraz garai hartako Espainiaren irudia ere ikus dezakegu pelikularen bitartez.

Pelikulak Villar del Río herri txikira eramaten gaitu. Bertan amerikarren bisita bat itxaroten ari dira gogotsu. Alkate gor bat izango da guztiaren antolatzailea eta herri guztia gogotsu dago bisitaren zai.

Pelikula garai hartako egoeraren kritika oso on bat dugu. Pelikula dibertigarria da eta garai hartako gizartea ikusteko aukera paregabea dugu Berlangaren pelikula hau. Nola ez, aipatu behar dugu Berlanga espainiar zinemaren maisu dugula, beraz, ez dugu kalitate faltarik somatuko pelikula ikusterakoan.

Algo en común

2008-11-27T17:51:00.000+01:00

Large" (Zach Braff) litioarekin sortutako koma antzeko batean eman zuen haurtzaroa. Gaur egun Los Angelesen bizi da eta arrakasta nahikoa du telebistako aktorea delarik. 9 urte etxera joan gabe egon eta gero, amaren hiletara joateko bueltatuko da. New Yerseyra bueltatu baino lehen, txikitatik hartutako pilulak utziko ditu. Nahiz eta etxetik 5000 km-tara bizi izan den, ezin izan du bere aitaren menperakuntzaz ihes egin.

New Yerseyn bueltan iraganeko ezagunekin topako da herrian, egia esanda, oso jente "berezia" topatuko du; eta aitarekin aurrez aurre ipintzea sahiesten saiatuko da. Orduan, Sam (Natalie Portman) ezagutuko du; Sam oso nezka "berezia" da ere, Large-en kontrako jarrera du munduarekiko, bizitza alaia eta itxaropentsua darama. Nataliek, Largeri adorea emango dio bizitzako gauza on eta txarrei aurre egiteko.

Aitortu behar dut, istorioa eta hau kontatzeko era pertsonaien bezain "berezia" dela. Nahiz eta pelikula apur bat arraroa den, pena merezi du ikusteak.

Half Nelson

2008-11-27T17:46:00.000+01:00

Dan (Ryan Gosling) Brookling-eko eskola txiro bateko irakaslea da. Klasean argia, dinamikoa eta irakasle ona den arren, bere bizitza pertsonalean desastre hutsa da, guztiz frustratuta dago eta ezin dio bere buruari kalte egiteari utzi.Etsipenak eta desilusioak drogen mundura eraman dute. Danek bere ajea eta betebeharrak nahiko ondo uztartzen ditu, bere ikasle gatazkatsuetako batek droga erosten ikusten duen arte. Ordutik bien arteko harreman berezia sortuko da.

Ryan Fleck zuzendariak idealismoaren eta desilusioaren gaiak dotoretasunaz eta zintzotasunaz garatzen ditu pelikula honetan. Berak eta Anna Bodenek idatzitako gidoian oinarritzen da pelikula. Filmea egin baino lehenago, zinemagileek gidoia laburtzera behartuta ikusi ziren grabatu ahal izateko. Sortutako laburmetraiarekin; Gowanus, Brookling; SunDanceko Epaimahiko Sari Nagusia irabazi zuten.

El señor Ibrahim y las flores del Corán

2008-11-27T17:35:00.000+01:00

Gaurko pelikula erlijioen eta herrien arteko errespetua erakusten digu. François Dupeyron dugu 2003an atzerriko pelikula onenarengatik Urrezko globo bat irabazitako pelikula honen zuzendaria. Eric-Emmanuel Schmitt idazlearen izen bereko eleberrian eta antzerkian oinarritutako pelikula dugu.

Omar Sharif eta Pierre Boulanger dira pelikulako aktore garrantzitsuenak. Ibrahim eta Momo dira pelikula honetako pertsonaiak. Momo Parisen bere aitarekin bizi den 16 urteko mutiko judutarra dugu. Bere aitarekin gatazka asko ditu, gehienbat aita ezagutzen ez duen bere nagusiarekin alderatzen duenean. Momo Ibrahim ezagutzen du, auzoko dendari musulmana. Momoren lagun bakarrak Ibrahim eta auzoko prostitutak ditugu. Momoren eta Ibrahim-en arteko laguntasuna handitzen da eta Momoren aita Parisetik joaten denean Ibrahim hartuko du aitatzat.

Pelikula hunkigarri eta polita dugu aipatutakoa. Bi kultura eta bizitza desberdinen elkarketa ikus dezakegu erlazio eta pertsonai misteriotsu batzuen bitartez.

La habitacion del panico

2008-11-25T14:18:00.000+01:00

David Fincher zuzendariak eginiko pelikula dugu hau, eta Jodie Foster aktore garrantzitsua dugu protagonista. Pelikula estatubatuarra dugu 2002an bertan estreinatua. Meg Altman dibortziatu berri den emakumea, bere alabarekin Shara, Manhattan hiriko apartamentu luxu batera bizitzera doaz.

Apartamentua estreinatu zuten egun berean hiru arrotz sartzen dira eta behartutak ikusten dira “izu-ganberan” delakoan sartzen. Ganbera hori eraiki zen lapurretatik salbu egoteko helburuarekin baina bere etxean sartu diren arrotzak ganbera horretan dagoena nahi dute.

Niri asko gustatu zitzaidan pelikula da. Denetarik du: isua, intriga eta amaiera on bat. Gainera, filma ikuserakoan denbora ez dela pasa dirudi. Hortaz aparte, protagonistaren eta bere alabaren interprtazio oso onak ditugu.

Kuriositate bezal aipatu, pelikula honen protagonista Nicole Kidman izango zela adierazi zuten lehendabiziz eta honek papela gaitzetsi zuen belaunean min hartu zuelako. Jodie Foster papel hau haurdun egin zuen eta hori, garrantzia gehitzen dio.

Closer

2008-11-20T20:44:00.000+01:00

Pelikula erakargarri bati buruz hitz egingo dugu gaur. Julia Roberts, Clive Owen, Natalie Portman eta Jude Law aktore erakargarriak dira pelikularen protagonistak. Mike Nicholson gidatutako eta Patrick Marber idatzitako istorioak maitasuna eta desleialtasuna elkartzen ditu.

Dan Wool (Jude Law) bere lehen liburua ateratzeko prozesuan dagoen kazetari bat dugu eta Anna Cameron (Julia Roberts) liburuko portadaren argazkia atera behar duen argazkilaria da. Gau batean Danek Larry Grayrekin (Clive Owen) interneten bitartezko elkarrizketa erotiko bat mantentzen dute eta azkenik Dan Larry zitatzen du Londreseko aquariumean Annarekin. Larry eta Annak erlazio bat asten dute baina Anna Danengatik erakarrita sentitzen da. Horretaz gain, Dan Alice Ayresekin (Natalie Portman) erlazio bat du eta Annaren estudiora eraman du argazkilariak Aliceri argazki batzuk ateratzeko erakusketa batean agertzeko. Erakusketaren egunean Alice eta Larry ezagutzen dira eta ikusten diren momentutik elkarren arteko erakargarritasunak erlazio berri bat sortzea ekarriko du. Lauen arteko erlazioak dira pelikularen funtsa, erlazio arriskutsu eta suntsitzaileak dira lauetako inork ez duelako seguru zer nahi duen eta nor maite duen.

Natalie Portman eta Clive Owen, banaketako aktore onenak bezala nominatuak egon ziren Oscar sarietan. Pelikula honek giza erlazioak modu desberdin batean erakusten dizkigu, amodioa, sexua eta atrakzioa bat eginik. Istorioa erakargarria da nire ustez eta erabat gomendagarria den pelikula da.

Diarios de motocicleta

2008-11-20T20:42:00.000+01:00

Che Guevararen lehen urteak ikusgai ditugu Gael García Bernal-ek protagonizatzen duen pelikula honetan. Walter Salles zuzendariak Che Guevararen lehen bidaian zehar oso ondo zuzentzen gaitu, Hego Ameriketatik galdu gabe. Argentinatik Venezuelara egin zuen bidaia ikusi dezakegu pelikulan eta bere ideologia bidaian zehar nola eraikitzen den ikusteak oso interesgarri egiten duen pelikulan bihurtu du.

Testuingurua azaldu ondoren, ez da erraza berriro azaltzea zein den pelikulako istorioa. Che Guevara guztiok ezagutzen dugun iraultzailea dugu, bere ideiak nola sortu ziren ezagutzea interesgarria iruditzen zait, beti ere, Che Guevara gustoko badugu. Pelikula honek Hego Ameriketako paisai eder asko erakusten dizkigu, beraz, irudi ederrak ikusiko ditugu pelikulan.

Abesti onena izateagatik Oscar sari bat jaso zuen pelikulan 2005.urtean Jorge Drexleren “Al otro lado del río” abestiarengatik. Horretaz gain, 27 sari internazional jasotako pelikula da, besteak beste, Donostiako Zinemaldiak saritutako pelikula dugu. Badakigu orain dela gutxi Che Guevararen beste pelikula bat atera dela, baina beste pelikula horri mesprezua egin barik, pelikula hau biziki gomendatzen dugu.

El Diario de Noah

2008-11-18T15:05:00.000+01:00

Pelikula honi buruz berri izan nuen Kanadan lehen aldiz, 2004ko uda zen eta Ontarioko familia baten etxean inglesa ikasten nenbilen. Goiz batean telebista ikusten nengoelarik zineari buruzko kate batean The Notebook pelikularen iragarkia ikusi nuen. Egun horretatik aurrera, telebista piztu eta kate hori bilatzen nuen iragarkia ikusteko gogoz.

The Notebook, agian izenburuak erakarri ninduen, beti gustatu zaizkit koadernoak eta konta ditzaketeen istorioak. Bai, batez ere koadernoetan idatzitako istorioak, hauek xarma berezia baitute.

Urte bete geroago, etxeko telebistan El diario de Noah iragartzen ikusi nuen, protagonista ezaguna nuen baina ez nuen gogoratzen zertaz, baina ez nion garrantzirik eman.

Neba eta biok asteburuero bideoklubera joan eta pelikula batzuk alokatzen genituen, horietako batean, El diario de Noah ikusi eta hartu genuen, aurreko egunean lagun batzuek emandako gomendioari jarraituz.

Diska DVDan sartu eta The Notebook hitzek pantaila bete zuten. Gogoz eman nion Playri, agure bik letren tokia hartu zuten, gizon batek koaderno bat irakurtzen ari zion emakume bati, eta momentu batean AEBetako 30eko hamarkadara itzuli ginen, Noah eta Alliren arteko maitasunezko istorioaren lekuko izatera. Ez ninduen desengainatu.

Pelikula Nicholas Sparks-en The Notebook liburuaren adaptazioa da. Azkenaldian, autore honen liburuetatik hainbat pelikula sortu dira, adibidez, Mensaje en una botella eta Un paseo para recordar. Hauek ere maitasunezko istorio zoragarriak kontatzen dituzte. Horregatik, hiru pelikula hauek ikustera gonbidatu nahi zaituztet, momentu gozoa pasatuko duzuelakoan.

Casi Divas

2008-11-18T15:03:00.001+01:00

Alejandro Mateos Mexicoko produktorerik garrantzitsuenetarikoa da. Bere hurrengo pelikularen protagonistaren bila kastin bat antolatuko du. Kastinera herrialde guztitik etorritako emakumeak aurkeztuko dira, hauen artean istorioko protagonistak. Probara aurkeztutako lau emakume eta aktoresa famatu batek protagonizatuko dute zinta. Hauen istorio pertsonalen bidez, Mexicoko errealitate ezberdinak ezagutuko du ikusleak.

Casi Divas zinemaren eta ospearen inguruko giroa salatzen du: diben neurotismoa, extorsioa, konpetentzia desleialak, anorexia, gezurra... Baina pelikula askoz harago doa, eta Mexikoko eta bertoko jendeak sufritzen duten arazoei buruz mintzatzen da. Beste batzuen artean, Juarez Hiriko emakumeen desagertzeak, Oahaca eta nekazal zonaldeetako analfabetismoa, klaseen arteko aldeak eta homofobiari buruz egiten du berba.

Pelikula Komedia eta dramaren artean dabilela, denbora ederra pasarazi eta pentsatzera bultzatuko zaituzte.

Báilame el Agua

2008-11-14T00:28:00.000+01:00

Davidek (Unax Ugalde) egunero ikusten du Maria (Pilar López de Ayala) metroan. Egun batean, mutikoak neskari "Báilame el agua" izeneko poema bat idatzi eta emango dio . Egun horretan bikotea batera irtetzen hasiko da.

David kalean bizi da, dioenez pobrea da bokazioz, horregatik, 18 urte zituelarik gurasoen etxea itxi eta haurtzaroko lagun batekin kalera bizitzera joango da. Maria mutikoari jarraituko dio. Horrela, biak mafia, droga, prostituzio eta marjinazioan murgilduko dira.

Báilame el agua, Josecho San Mateo zuzendariak, Daniel Valdés idazlearen nobelatik adaptatutako filmea da. Valdések 21 urte zituelarik idatzi zuen eta, berehala, zinera adaptatua izan zen. Nahiz eta arrakasta handirik ez zuen izan, benetan ikustea merezi duen pelikula da Báilame el Agua, ordu t'erdi baino lapurtuko ez dizue, baita gogoeta batzuk ere.

Sangre de Cuba

2008-11-13T23:41:00.000+01:00

Sangre de Cuba (Dreaming of Julia) Batistaren diktadurako azken urtean giroturik dago. Pelikula garaiko Cubako herri txiki bateko ardurei buruz hitz egiten du, baina batez ere, Che, herriko pertsonaia garrantzisuaren ilobaren ardurei buruz.

Umea astero joaten da amamarekin zinemara, Hollywoodeko pelikulak ikustera. Egun batean, Julia pelikula ikusten ari direla, argia joaten da Julia hegazkin bateko azafata hegazkina lurperatzen saiatzen ari den bitartean. Laster konturatuko dira apagoia ez dela zineman bakarrik izan, bazik eta herri guztia argi gabe gelditu dela matxinoek herria erasotu dutelako.

Pelikula hau istoriokoren moduko herri txikietan Cubako Iraultza garaian izandako gatazkak islatzen saiatzen da. Herritar gehienek normaltasunez jarraitzen dute euren bizitzekin, bitartean batzuk erreboluzioa egin, edo honen kontra aritzen diren bitartean.

Juan Gerard zuzendariaren filmea dugu Sangre de Cuba; gaurkoa, benetan zinta interesgarria da. Horregatik, ikustera gonbidatu nahi zaituztegu hemendik, filme hau ikustea, Cubako Iraultza beste ikuspuntu ezberdin batetik ikusteko aukera ederra da.

Manhattan

2008-11-12T18:47:00.000+01:00

Gaur paregabekoa den zuzendari baten pelikula magistral bati buruz hitz egin behar dugu. Nork ez du Woody Allen ezagutzen? Allenek hainbat pelikula on eta txar egin ditu, baina txoko honetan berari buruz lehen aldiz hitz egiterakoan Manhattan izan behar du protagonista gaur. Aurrerago zuzendari new yorkearraren beste pelikulek tartea izango dute, baina Manhattan bere auzoari ohore egiten dion pelikula dugu, beraz, lehenengoa izan behar du.

Manhattanen aurkitzen dugun istorioa idazle dibortziatu batena dugu. Hamabost urte dituen neska batekin erlazio bat mantentzen du baina bere lagunaren maitalearekin maitemintzen da. Istorioa aurrera jarraitzen du eta Allenen ikuspegiarekin AEBetako hiri handienetariko auzo handienean gertatzen den istorioa korapildu eta konpontzen da.

Aktoreak ere ez ditugu makalak, zuzendariaz aparte, protagonistaren papera egiten duenak; Diane Keaton, Meryl Streep, Mariel Hemingway eta Michael Murphy dira. Manhattan Oscar sarietarako bi nominazio lortu zituen: emakumezko bigarren aktorea hoberena eta gidoi hoberena.

Beraz, hau guztia jakin ondoren, zertara itxaroten ari zara lehen aldiz edo berriro ikusteko?

El patio de mi cárcel

2008-11-12T18:31:00.000+01:00

Belen Macias-en lehenengo pelikula dugu gaur aipagai. Aurtengo Donostiako zinemaldiko sekzio ofizialean aurkeztutako pelikula da eta hirugarren postuan geratu zen gazteriaren epaimahaiean.

Pelikulak emakumeen kartzela batera eramaten gaitu. Bertan, Isa, Dolores, Rosa, Ajo eta Luisa ezagutuko ditugu eta kartzela barruan eta kanpoan duten bizitza erakutsiko digute. Beren bizitza kartzelara iristen den langile berri baten ondoren aldatuko da. Mar, langile berria, antzerki talde bat sortuko du eta kartzelako emakumeak barruan igaro behar duten denbora modu desberdin batean izatea izango du helburu.

Kartzelako bizitza gogorra baldin bada, kartzelatik atera ondoren libre izaten ez jakitea ere gogorra erakusten digun pelikula da. Horretaz gain, kartzelako bizitza desberdin bat erakusten digu, laguntasuna garrantzitsua den kartzela bat.

Desayuno con diamantes

2008-11-05T18:27:00.000+01:00

Nor ez da gogoratzen Audrey Hepburn-etaz Tiffany dendaren parean gosaltzen? Klasiko bihurtu den pelikula dugu gaur aipagai. Audrey Hepburn eta George Peppard protagonizatzen dute Blake Edwards zuzendariaren pelikula, Truman Capoteren nobelan oinarritua dagoena. Holly eta Paul pertsonaien arteko amodiozko istorio arraroa ikusi dezakegu. Istorio emozionagarri eta dibertigarria dugu. Klasiko bat berriro ikustea edota lehenengo aldiz ikustea oso gomendagarria da.

1961.urtean pelikula Oscarretara egon zen nominatua aktore emakume hoberenera, moldatutako gidoi hoberenera, arte zuzendaritza hoberenari, musika hoberenera eta abesti hoberenera, azken biak irabaziz.

Cometas en el Cielo

2008-11-04T18:51:00.000+01:00

Cometas en el Cielo (The Kite Runner) Kalled Hosseini afgano-amerikarraren izen bereko nobelatik sortutako pelikula da. Bertan Amirren istorioa kontatzen digute. Amir aspalditik AEBetan bizi da, ume bat zenean, aitarekin ihes egin zuen Afganistanetik. Amir jaioterrira bueltatu beharko da bere haurtzaroko lagun mina Hassanen semea talibanengandik erreskatatzeko. Afganistanera bueltan, Amir bere iraganarekin topatuko da, eta umetan utzi zuen herrialdearen, eta oraindik ere bihotzean daraman lurraren, eraldaketa ikusi beharko du.

Lehen esan dugunez, pelikula hau liburu baten adaptazioa da. Nire ustez, oso ondo adaptaturik dago, eta istorioaren detaile gehienak mantentzen saiatzen da. Nobela irakurri eta gero ikusi nuen pelikula eta ez ninduen bat ere ez dezepzionatu. Ikusteak merezi duen pelikula da gaurkoa, hau ere, gerra egoerari, AEBei, eta Afganistango egoerari buruz pentsaraziko dizuen pelikula delako.

Las Tortugas También Vuelan (Turtles Can Fly)

2008-11-03T13:25:00.000+01:00

Irakeko Kurdistaneko herrixka batean, Iran eta Turkiaren arteko mugetan, antena paraboliko baten bila ari dira etengabe, AEBak Iraken inbasioari buruzko berriak jaso ahal izateko. Bere anai-arrebekin beste herri batetik etorritako ume elbarritu batek premonizio bat izango du, gerra hastear dago...

Las tortugas también vuelan Bahman Ghobadiren hirugarren luzemetraia da. Bertan gerraren ondorioak jaso dituzten ume talde baten bizitzak ikusten dira, eta nola hauek bizirik jarraitzeko helduen legez jokatu behar duten. Zuzendariaren esanetan, "Lurralde honetako umeak, jadanik, hogei urterekin jaiotzen dira".Esan genezake, filmea dokumental fikzionatu bat dela; pelikulan agertzen diren umeak errefugiatu kurduak dira eta beraietako batzuk gerra-elbarrituak dira ere.

Filme hau errubakoek gerran jasan behar dituzten injustiziei buruz pentsarazten du. 2004ko Donostiako Zinemaldiaren urrezko maskorra irabazi zuen, nire ustez, mareziturik.

Casi famosos (Almost Famous)

2008-10-31T09:50:00.000+01:00

Cameron Crow zuzendariaren bizipenetan oinarritutako istoria aurkezten digute filme honetan. William (Patrick Fugit), rockeko erreportari oso gaztea da. Rolling Stone aldizkariaren enkargu bati esker Still Water taldearekin biran joaten da, rock mundua barnetik ezagutzeko.

Filmea "sex, drugs & rock n' roll" lemaren alde guztiak islatzen saiatzen da. Pelikula zoragarria iruditzen zait, istorioa oso ona da eta aktore-aktoresak ezinhobeak dira. 70ko hamarkadako rocka gustuko duten guztiei errekomendatuko nien pelikula da, benetan disfrutatuko dutelako. Orokorrean jende guztiak ikusi beharko lukeela pentsatzen dut, pelikula hau nerabe baten hazkunde emozionalaz era magistralean hitz egiten duelako, komedia eta drama bitartean dabilelarik. Casi Famosos geure filmoteketan falta ezin den pelikula da.

Casablanca

2008-10-28T19:19:00.000+01:00

Pelikula klasikoetaz hitz egiten badugu Casablanca burura etortzea oso erraza da. Casablanca 1942.urteko pelikula dugu. Michael Curtiz da zuzendaria eta Humphrey Bogart eta Ilsa Lund dira pelikulako aktore protagonistak. 1943.urteko Oscar sarietan hiru sari irabazi zituen gidoi moldatu hoberena, zuzendari hoberena eta pelikula hoberenarena eta beste bost sari gehiagotara izendatua egon zen.

Bigarren munduko gerraren testuinguruan agertzen zaigu pelikula, Marokoko Casablanca hirian, iristeko hiri erraza baina zaila ateratzeko. Rick-en kafean atzerritar asko biltzen dira eta Victor Laszlo txekiarra naziengatik bilatua handik ibili ohi da. Rick Blane ez du inorengatik bere bizitza arriskuan jartzen, emakume batengatik ezik, Ilsa Lund, maite duen emakumea. Amodiozko istorioa dugu gerraren testuinguruan.

“Siempre nos quedará París” esaldi famatua entzun dezakegu pelikula honetan eta Ilsa eta Rick-en arteko istorioaren bitartez emozionatu. Klasikoak beti izango dira klasiko eta beti izango dira momentu on bat pasatzeko pelikula.

Hunger

2008-10-28T18:57:00.000+01:00

Gaurkoan Donostiako Zinemaldiko aurtengo edizioan erakutsitako pelikula bati hitz egin behar dut. “Hunger” Zinemaldiko Zabaltegi sekzioan aurkeztu zen, Bitxien azpi sekzioan. Gazteriaren Epaimahaiak emandako sarian bigarren postuan geratu zen “Aipamen berezia” lortuz. Horretaz gain, Canneseko Zinema Jaialdiko Un Certain Regard Saileko Urrezko Kamera saria irabazi zuen. Steve McQueen dugu pelikularen zuzendaria eta Michael Fassbender eta Liam Cunningham dira aktore garrantzitsuenak.

“Hunger” pelikulak Ipar Irlandan kokaturiko Maze Prison espetxeko bizitza du hizpide. 1981ean Bobby Sandsek bultzatutako IRAko kideen gose-greban izan ziren gertakari hunkigarriak ardatz hartuta. Ikuspuntu epikotik, filmak islatzen du gorputza eta burua mugak gainditzera behartzean gertatzen dena.

Pelikula fisiko eta psikikoki arras gogorra dugu. Bizitza kartzela batean samurra ez baldin bada, preso politiko batentzat gutxiago. Bobby Sands izan zenaren irudi humanoa ikusi dezakegu pelikula honetan.

Pelikulak mezu zuzen bat du, borrokaren bitartez gutxi lortzen dela. Arma gabe eta elkarrizketaren bitartez gauza gehiago lortzen direla erakusten nahi digu Steve McQueen zuzendariak. Lezio ona izan daiteke geure gizartearentzat, oso ondo erakusten duelako gauzak lortzeko hobeto dela biolentzia uztea.

"obaba"

2008-10-27T17:17:00.000+01:00

“Obaba” Montxo Armendariz zuzendariaren pelikula bat dugu. Filmea, Bernardo Atxaga euskal idazalearen obabakoak nobelan oinarritua dago.Lourdes 23 urteko gazte bat da eta bidai bat egingo du Obaba herria ezagutzeko asmoz, bere gizartea, bere bizitza...horretarako bideo kamera bat eramango du bere bidezorroan. Kamerarekin Obabako errealitatea jaso nahi du, baina konturatu egingo da bertako jendeak iraganean bizi dela .

Bere bidaian zehar hainbat lagun ezagutuko ditu, hala nola, Merche, Ismael,Tomas edo Miguel, azken honekin erlazio estu bat izango du. Honekin batera, biolentzia, bekaizkeria eta amodioa bat egingo dute Lourdes gaztearen bizitzan. Lourdes bere bizitzan zentsua jartzen saiatuko da baina bere kameratik at zerbait geratuko da, muskerren misterioarekin zerikusirik duena.

Normalean oso zaila egiten da nobela bat filmera pasatzea baina kasu honetan, izpi batzuk aparte oso adaptazio ona izan da, emaitza bikainarekin. Pertsonaien interpretazioa ezin honea da nahiz eta, erraza ez izan.

La torre de Suso

2008-10-22T17:55:00.000+02:00

Gaurko pelikula Donostiako Zinemaldian estreinatutako pelikula dugu, baina ez aurten, 2007ko edizioan baizik. Zabaltegi sekzioan estreinatu zen eta bigarren geratu zen Gazteriaren Epaimahaian.

Susoren heriotza bere lagun guztiak berriro ere biltzea eragingo du. Pertsonai garrantzitsu bat Cundo izango da, Argentinan egon da azken hamar urteetan eta bapatean bere lagun hoberena hil egin ondoren Asturiasera itzultzen da.
Etxean egun batzuk pasatzea eta lagunekin mozkortzea da Cundoren plana, baina ez da hain erraza izango. Bizitza asko aldatu da Cundo etxetik joan zenetik. Bere familiak, lagunek eta bere inguruko emakumeak Cundoren planak hankaz gora jarriko dituzte. Cundo Susoren amets bat aurrera eraman nahi izango dugu, dorre bat eraikitzea.
Adiskideen arteko erlazioak aztertzen dituen pelikula dugu aipagai. Denbora asko pasa ondoren lagunak hor egongo direnaren ustea izatea okerra da baina barkamena eskatuz gauzak aldatu daitezke. Pelikula interesgarria eta oso gomendagarria dugu honako hau.

How the Garcia Girls Spent their Summer

2008-10-20T16:15:00.000+02:00

Azkenaldian pelikula mexiko-estatubatuar independienteetara zaletzen ari naiz. Gaur aurkeztuko dizuedan filmea ere, nire etxean burutzen ari naizen zinema-ziklo independientean sartu beharrean gaude.

"How the Garcia Girls Spent their Summer" familia bereko hiru generaziotako hiru emakumek (amamak, amak eta alabak) sexua eta maitasunari buruz dituzten kezkak azaltzen dizkigu. Zintak, emakumeek autorrealizaziorako bidean amodioa eta sexua edade ezberdinetan zelan bizitzen duten islatzen saiatzen da.

Georgina García Riedelen lehenengo filmea da komedia eta dramaren artean jolasean dabilen istorio hau. Pelikula Elizabeth Peñak (Lolita García), America Ferrerak (Blanca García) eta Luci Gallardok ( Doña Genoveva García) protagonizatzen dute, eta esatekoa da era bikainean egiten dutela.

Nahiz eta batzutan pelikula motelago doala dirudien, eta argiztapena eta enkoadreak pixkat ondatzen duten, filmea oso ondo dago, kontatzen duen istorioa ederra eta interesantea da, eta ez soilik emakumeen ikuspuntutik, emakume zein gizon, danok gonbidatzen zaituztet filmea ikustera.

Mi hermano es hijo único

2008-10-15T15:18:00.000+02:00

"Mi hermano es hijo único" (Mio fratello è figlio unico) Daniele Luchetti italiarraren lana dugu. Pelikula hau, 1961an Italiak bizi zuen iraultza sozial eta ekonomikoa kontestutzat duelarik, Accio (Elio Germano) gaztearen bizitzaz mintzatzen da. Accio oso mutiko errebeldea da, familia ezkertiar batean sortua, guraso eta neba-arreben haserrea sortzeko partido neofazista batera afiliatzen da.

Ezkerreko alderdi bateko militantea da Manrico (Riccardo Scamarcio), Accioren anaia nagusia; eta familiako gazteenaren ekintza neofazistak direla eta ez dio hitzik egingo. Anaien arteko erlazioa anaia nagusiaren nobiaren bidez gauzatuko da. Accio nebaren neskalagunaz maitemindu eta inpresionatzen saiatuko da.

Fazisten eta ezkertiarren arteko talkak handitzen diren einean, anaiak nahiko antzekoak direla ikusiko dute.

60ko hamarkadan Italiak bizitako iraultza soziopolitikoan giroturik, "Mi Hermano es Hijo Único"-k gazte baten errebeldiari buruz mintzatzen zaigu, neofazismoaren kritika egiten duen bitartean. Neba-arreben arteko erlazioetaz ere hitz egiten du filmak, familia arteko harremanen indarraz, bereziki neba-arreben artean sortzen diren lokarri emozionalek duten garrantziaz.

Ikusteak merezi duen pelikula da "Mio fratello è figlio unico", gaztetasunak ematen duen pasioaz beteriko zinta da, errebeldiaz, amodioaz, eta esperientzia berrietarako nahiez . Gazteak identifikatuak sentiko dira erabat, eta nagusiagoak euren gazte garaietan bueltan, bizitako iraultza izango dute gogoan, hainbat paralelismo baitaude Frankismo garaieko erresistentziarekin.

Filme honek gure Paradiso txiakian egotea merezi duela pentsatzen dut. Seguru nago, zuetako askok pelikula ikusi eta gustoko izango duzuela.

"LA VIDA DE BRIAN"

2008-10-14T13:38:00.000+02:00

“ La vida de Brian” 1979ko filma dugu, baina zaharra izateagatik ez du esan nahi txarra denik, ezta gutxiago ere. Pelikula hau , Terry Jonesen zuzendaritzapean Monty Pyton talde komikoaren hirugarren luzemetraia dugu. Jesukristo jaio zen egun berean jaiotako ume baten bizitza kontatzen du. Bere bizitzan zehar herriak, Jesukristorekin konparatu egiten du, Mesias-a izango balitz bezala. Ez gaitezen erratu, “La vida de Brian” ez dira jarraian doazen eta barre eginarazten duten eszena taxugabeak baizik eta, satira bikain bat.

Monty Pyton talde komikoaren obra gorena bezala kalifikatu dute hainbat adituek.Nire ustez, dibertigarri, entretenigarri eta barre algarak piztu agiten dituen film bikaina dugu hau, ikusi beharrekoa. Badira hainbat eszena barrez lehertzeko modukoak: hiru erregeen bisita Brianen jaiolekura, gurutziltzatzera doazenean erromatarrak dihoen esaldia: “una cruz por persona...”, Brian batzen duen ontzi espaziala, gladiadoreen eszena eta beste hainbeste. Pelikula hau ikustekoa da, une on pasa nahi baduzu.

Una palabra tuya

2008-10-13T19:32:00.000+02:00

Gaurkoan espainiar produkzio bat dugu aipagai. Udara honetan estreinatu den “Una Palabra Tuya” Angeles Gonzalez-Sinde zuzendariaren azken lana dugu eta Elvira Lindoren izen bereko eleberrian iradokita dago. Malena Alterio, Esperanza Pedreño eta Antonio de la Torre aktore ezagunak filmeko protagonistak ditugu.

Rosario(Malena Alterio) eta Milagros (Esperanza Pedreño) kale-garbitzaileak dira. Beraien bizitza ez da erraza baina umore onarekin dena errazago dirudi. Pelikulak eguneroko bizitza aspergarri eta monotonoari alde komikoa ateratzen saiatzen da hasieran. Bakardade elkarbanatuak dugu gai garrantzitsu filmean. Milagros emakume alaia dugu, Rosario aldiz, bizitzan errealista dugu. Bi emakume oso ezberdin ditugu, beraz, munduaren bi ikuspegi ezberdin.

Pelikula ikusi ondoren geratzen zaizun sentsazioa norbaitekin trukatu behar da. Bakardadea gai garrantzitsua da pelikulan lehen aipatu bezala, baina ez da bakarrik ikusteko pelikula bat, norbaitekin komentatu behar da eta elkarrizketa interesgarri bat izan. Bakardea modu gogor eta intimista batean dago aztertuta, baina oso modu errazean.

Zineman ikusteko aukera zaila da euskal mugen barnean, baina DVD formatua laister eskuragarri egonen da. Horretaz gain, irakur zaleak bazerate liburua eskuragarri dago edozein liburu dendan.

Real Women Have Curbes

2008-10-07T21:25:00.000+02:00

Patricia Cardoso zuzendari kolonbiarraren maisulana dugu filme hau. Bertan, Anaren istorioa kontatzen digute. Anak (America Ferrera) 18 urte ditu, jatorri mexikarreko neska estatubatuarra da, L.A.-eko familia txiro batekoa. Institutoa amaitu eta unibertsitatera joan nahi du, baina dirua dela eta ezinezkoa zaio. Hala ere, beka bat lortzen du Columbiako Unibertsitatera joateko (New York). Hau dela eta, Ana eta bere amaren arteko erlazioa txarrera egiten du. Amak ez ditu ulertzen alabaren itxaropenak, ez du onartzen alaba ikasteko beharra izatea, ezkondu eta familia osatu beharrean. Amaren azkeneko esperantza da Ana, ahizpa nagusiari "arroza pasa" zaiola pentzatzen baitu eta ezkongairik lortuko ez duelakoan dago. Horregatik alaba txikiari pisua galdu eta "emakumeago" bihurtzeko andreen beharretan jardun behar duela errepikatzen dio behin eta berriro; baina Ana den modukoa maite da eta inguruko emakumeei diren modukoak maitatzen irakatsiko die, benetako emakumeek kurbak dituztelako.

Filmea Josefina Lópezen antzezlan batean du oinarri. Hainbat sari jaso zituen 2002ko Sundance eta Donostiko Zinemaldietan, baita 2003ko Independent Spirit Awards-en. Gaur egungo gizartearen kritika zorrotza da hemen egiten dena, hedabideek zabaltzen duten emakume sasi-errealen kontzeptuaren aurkakoa. Pertsonak gorputza baino gehiago gara, eta gizarteak markatzen dituen estereotipoak ez jarraitzeak ez gaitu bihurtzen itsusiago. Garen modukoak maitatu behar gara, inperfekzioek humanoagoak egiten gaituztelako, eta benetako edertasuna humanitatean dagoelako.

Pentsararazi egingo dizuen pelikula da "Real Women Have Curbes", ez dakit gaztelerera itzuli den edo bertsio originala subtitulaturik baino ez dagoen. Hala ere, gomendatzen dizuet azkeneko hau, aktoreek darabilten inglesa ulerterraza delako eta subtituluek duda guztiak argitzen dituztelako. Beraz, horra hor pelikula ikusteko beste arrazoi bat, ondo pasatzeaz eta pentsatzeaz batera ingeles pixkat ere ikasiko duzue.

Cosas insignificantes

2008-10-06T10:44:00.001+02:00

Aurten Donostia Zinemaldian Zabaltegi Zuzendari Berriak sekzioan estreinatutako pelikula dugu hau. Mexiko eta Espainiaren arteko produkzio bat da eta Andrea Martinez Crowther zuzendariaren lehenengo lana dugu hau. Pelikula honetan, Lucía Jiménez eta Carmelo Gómez aktore espainiar ezagunak agertzen dira. Bárbara Mori, Fernardo Lujan eta Paulina Gaitán dira pelikulako beste aktore nagusiak. Pelikula hau Donostia Zinemaldiko Gazteriaren Sarian bosgarren postuan geratu zen 7’6ko puntuazio orokorrarekin.

Esmeralda izena duen neskak kaletik aurkitzen dituen gauzak kaxa batean gordetzen ditu. Gauza horien jabeen istorioak Esmeralda tartean elkartzen dira. Istorioa aurrera doan heinean poema eder bat irakurtzen ari garenaren sentsazioa lortzen dugu. Amodiaren gazi-gozoak eta pertsonen arteko erlazio desberdinak ditugu aztergai sentimenduen bidai honetan. Pelikula guztiz gomendagarria da, ez dakit zine areto komertzialetan ikusgai izan dugun, baina espero dut etorkizun motz batean pelikula hau ikusteko aukera erraztu ahal izango dela DVDan edo zine areto batzuetan.

Ongi etorri Cinema Paradisora

2008-10-03T21:39:00.000+02:00

Ongi etorriak geure Paradiso txiki honetara. Zinema maite dugun guztiontzako txoko txiki bat sortu nahi izan dugu hemen, Toto txikiak bezala, zinema experimentatuz bizi izan garelako gehienok. Horregatik, zinemaz eta pelikulez ditugun iritziak zuekin konpartitzeko beharra dugu, gure bizitzetako momentu gozo eta garratz asko zineman bizi izan ditugulako. Nork ez du gogoratzen txikitako domekak, herrira etorritako azken pelikula ikusteko kola itxaroten, areto barruko barreak, ohiuak,negar-malkoak, pelikula luzeen arteko deskantsuak... Nork ez ditu oroitzen zineman ikusitako lehenengo musuak, entzundako kantak...